IZENA Elkarlanerako lan-zelula robotizatua

Zelula honek automatizatu beharreko eragiketak integratzeko, probatzeko eta balioztatzeko, aukera ematen du kaiolarik gabeko eta langileekin partekatutako inguruneetan piezak edo erremintak manipulatzeko, eta segurtasuna lehentasun gisa bermatuz. Lankidetza-aplikazioak abian jartzeko pentsatuta dago , hala nola pick & place eragiketak, langilearen ikusizko ikuskapeneko prozesuak, ekoizpen edo leunketa bezalako eragiketetan elkarlaneko muntaketa geldiarazi gabe. Zelulak elkarlaneko bi robot ditu, eszenan trukagarriak direnak eta 6 edo 7 askatasun-graduko aldakortasuna lortzeko aukera ematen dutenak. Gainera, 3Dko ikusmen- eta errekonozimendu sistemeei esker, lan inguru hurbilena modelatzeko eta monitorizatzeko aukera ematen du, langilearen segurtasuna bermatuz. Halaber, elkarlaneko zelularentzat konfigura daitezkeen robot industrial bakoitzak hainbat tresna izan ditzazke aplikazio mota desberdinak planteatzeko (elkarlaneko pick and place aplikazioak, elkarlaneko paletizazio eragiketak). 7 graduko askatasuna duen robotaren kasuan, indar-sentsoreak eta ingurunea fisikoki ezagutzeko eta kontaktuak detektatzeko sentsoreak aurkitzen ditugu. Zelula honek industria-aplikazio kolaboratibo/kooperatiboen bideragarritasuna eta planteamendua ebaluatzeko (horietan, langile batek eta robot batek, gutxienez, espazio komun bat partekatzen dute) aukera ematen du. Zelulak lankidetza-algoritmo mota desberdinen eraginkortasuna aztertzeko aukera ere ematen du, langilearen segurtasunaren ikuspegitik eta aplikazioaren zikloaren denborei lotutako betekizunen ikuspegitik (lankidetza-aplikazioetan denbora errealean kontrol-algoritmoen bideragarritasuna edo kontuan hartu gabeko egoerei erantzutea, besteak beste).