Zelula. Zentro lehiakorra deposizio tasa altuko fabrikazio gehigarrian oinarritua, hauts eta haria erabiliz (LMD eta WAAM)

AZALPENA

Erabilera eta garapen integralerako zelula pilotua metalezko fabrikazio gehigarriko zuzeneko energia deposizioaren teknologian.

Ekipamenduak, baliabideak, softwareak, (CAD-CAM), fabrikazio gehigarriarekin erlazionaturiko ezaguera (LMD eta WAAM), prozesu hauen industrializazioaren eta ekoizpen katean txertatzearen azterketa (fabrikazio fluxu osoaren konbinazioa, hauts/haritik hasita, fabrikazio gehigarriko prozesua, tratamendu termikoak, mekanizazioa, eta gainazal akaberako prozesuak…) enpresen esku jartzen dira.
Erabilgarri daude:
-4 zelula robotizatu
-7x3 metroko gantry-a
-3 ardatzetako 2 instalazio (biraketako laugarren ardatza gehitu daitekeelarik)

LMD-hautsa. Instalazio hauek LMD-ko 3 optika eta pitekin (boquilla) konbinatu daitezke (hauetako batek botatzen duen hautsaren zabalera kontrolatzen du denbora errealean). Aldiberean bi material ezberdin elikatzeko aukerarekin.

WAAM_haria: PAW, TIG eta CMT (Fronius) teknologiekin, haria gehitzeko aukera ezberdinekin eta ibilbide kontrolarekin (Etengabe eguneratutako gailuak 2017)

Ti bezalako material erreaktiboekin lan egiteko aukera dago (atmosfera kontrolatuan) eta atmosfera lokalki kontrolatzeko sistemekin (babes lokaleko sistemarekin, Addispace proiektuan garatzen ari dena).

Gaur egun azpiegitura honek prozesuko datu bilketarako sentsore batzuk ditu (COMBILASER 2015-2017 proiektuan garatuak) eta IKT plataformekin lotura egitea posible da. Azkenik, azpimarragarria da Fagor-en CNC sistema baten garapena, non prozesua (laser) kontrolatzeko osagarri batek optimizatutako parametroen datu base bat duen; eta Fagor Automotion-eko CNC-a duen edozein makinetan ezarri daiteke.

LMD prozesua kontrolatzeko plataforma ere azpimarragarria da (prozesuko sentsore optikoekin eta termografikoekin):
-aurreratutako CNC inguruetarako
-LABVIEW plataforma kontrolarekin
-loT plataforma edo azpiegiturekin konektagarria