IZENA EHiNA, Erreminten Higaduraren Neurketa Adimentsua

AZALPENA

EHiNA ebaketa-erreminten higaduraren jarraipena egiteko sistema adimentsua da, IMHk garatua. Bere helburu nagusia da mekanizazio-prozesuetan zehar erremintaren egoeraren neurketa zuzena, zehatza eta denbora errealean eskaintzea, prozesu-datuen (eragiketa, materiala, erreminta, eta abar), denbora-segida datuen (energia-kontsumoa eta bibrazioak) eta ebaketa-erreminten irudien analisiaren bidez. Sistemak geldialdi-denborak murriztea, erreminten erabilera bizitza erabilgarriaren amaierara arte optimizatzea eta mantentze-lanetan erabakiak hartzea ahalbidetzen du, informazio objektiboan oinarrituta. Horrela, fabrikazio aurreratuko inguruneetan efizientzia eta iraunkortasuna hobetzen dira.

Aplikazio-eremuak

Mekanizatua eta Multitasking

EKIPO ETA OSAGAI GARRANTZITSUENAK

  • CNCarekin interfazea

    Autodiagnosi-zikloen bidezko koordinazioa eta kontrol numeriko anitzekin komunikazioa.

  • Datu harrapaketa

    IPC Beckhoff C6032 (i7, 8 nukleo), IEPE ELM6202 moduluekin (24 bit, 50 ksps), eta EL3783 energia-analizatzailearekin (3 kanal, 16 bit, 20 ksps). Softwarea TwinCAT-en garatua, web HMI batekin.

  • Dutu basea

    Biltegiratze lokala, hodeiko integrazio-aukerarekin.

  • Ikusmen Sistema

    Optika telezentrikodun eta dome motako argiztapenarekin estankoa den kamera; erreminten garbiketarako haizeztapen-sistema eta babeserako obturatzaile pneumatikoa ditu. Instalazio unibertsala mekanizazio-makinetarako.

  • Prozesamendua

    Seinaleen prozesamendua Simulinken inplementatua.

AKTIBOAK ESKAINTZEN DITUEN ZERBITZUAK

Demostratzaile teknologikoa

Erakusketa, ekitaldi edo saio teknikoetan erabiltzeko demonstratzaile aktiboa. EHiNA Industria 4.0 kasu erreal gisa aurkeztuta.

EHiNA Full – Sistema multimodal osoa

Prozesu-seinaleak eta irudiak konbinatzen ditu erremintaren egoera modu sendoan estimatzeko. Moldakortasun handia, zehaztasun handiena.

EHiNA_begIA – Ikusmen artifizial bidezko monitorizazioa

Irudietan oinarritutako irtenbidea, kontakturik gabe higadura kuantifikatzeko, zehaztasun handiz eta etenik gabe. Laser sistemak edo palpatzaileak ordezkatzen ditu.

EHiNA_RT – Seinaleen monitorizazioa

Erremintaren higadura denbora errealean estimatzeko sistema adimentsua; bibrazioak eta energia-kontsumoa aztertzen ditu. Lerro automatizatu eta ekoizpen estandarizaturako egokia.

Industria-teknikariaren prestakuntza

Prestakuntza espezializatua monitorizazioan, OT–IT komunikazioetan, IIoT-n, ikusmen artifizialean eta datu-analisian, EHiNA kasu praktiko gisa erabiliz.

Proba pilotuak eta transferentzia teknologikoa

Sistemaren behin-behineko instalazioa plantan, baliozkotasun tekniko eta ekonomikoa egiaztatzeko. Aholkularitza eta laguntza barne.

AKTIBOA KUDEATZEN DUEN ERAKUNDEA

IMH - Fundación para la Formación Técnica en Máquina-Herramienta/Makina Erreminten Hezkuntza Teknikorako Fundazioa
Harremanetarako pertsona:
Beñat Gallastegi
gallastegi@imh.eus