IZENA NEXTAGE-Open – Giza gorputz-enborraren itxurako bi besoko robota

Kawadak fabrikatzen du NEXTAGE OPEN bi besoko robota. Ikerketa-plataforma izateko dago prestatuta, txertatuta daukan software-programazioko inguruneari esker, zeina oso eskalagarria baita. Robotaren softwarea ROSekin bateragarria da. TORK (Tokyo Opensource Robotics Kyokai Association) enpresak egindako open source softwarea eta kontrolagailua ditu. Beso bakoitzean duen kamerari esker, objektuen detekzio zehatza egiten du; buruan dituen bi kamerei eta eskumuturretako kamerei esker, berriz, zenbait angelutatik jasotzen du objektuak detektatzeko informazio bisuala. Segurtasunari dagokionez, berriz, potentzia txikiko motorrak (< 80 W) dituenez eta besoen artikulazioak babestuta dauzkanez, ez dauka elementurik ezer harrapatzeko edo ezeri heltzeko arriskua dakarrenik. SOFTWAREA - Kode erabat irekia (bateragarria zelula robotiko estandarraren proiektuarekin) - Robota kontrolatzeko irispidea (ez du behar PLC/interfazerik) - Programazio aurreratua ROS erabiliz (SNZ Cobot-ekin harmonizatua) - Abiadura (< 250 mm/s), azelerazio eta potentzia (< 80 W) mugatua - Talka-detekzioa - Denbora errealeko higidura-planifikatzailea: ibilbide kalkulatua, ez-programatua HARDWAREA - Unitate trinko eta arina (< 50 kg) - Posizionamendu-errepikagarritasunaren zehaztasuna (TCP): ± 0,03 mm - Posizioaren zehaztasuna ikusmena erabiliz: 0,5 mm - Gehieneko abiadura lineala: 700 mm/s - Hornidura elektrikoa: 220 V - Potentzia-kontsumoa: 1.200-1.500 W - 15 askatasun-gradu (6 x 2 besoetan, 2 lepoan, 1 gerrian) - Beso-luzera: 57 cm - Karga: 1,5 kg esku bakoitzean, 3,0 kg bi besoetan - Ikusmen artifizialeko sistema buruan eta eskuetan