Cikautxo Mondragon taldeko automobilgintzako kooperatiba bat da, eta 2.500 langile inguru ditu mundu osoan, presentzia nabarmena baitu Espainian, Txekiar Errepublikan, AEBetan, Mexikon eta Indian, besteak beste. Automobilgintzaren sektoreaz gain, Cikautxok nazioarteko bezeroak ditu etxetresna elektrikoen, gailu medikoen eta materialen arloan. Urtean 300 milioi euro inguruko fakturazioarekin, Bizkaiko enpresa hau bibrazioen kontrako funtzioetarako soluzioen garapenean eta produkzioan, estankotasunean eta fluidoen gidatzean nabarmentzen da batez ere.

Beharra:

Cikautxon fabrikatzen diren automobilgintzako pieza gehienek metalezko edo plastikozko osagaiak dituzte. Prozesuan, osagai horiek makinetan sartu behar dira, eta, horretarako, langileek parte hartu behar dute. Zeregin hori automatizatzeko eta osagaien ergonomia hobetzeko, Cikautxok, Tekniker zentro teknologikoaren eta BDIH Konexio programaren laguntzarekin, robotika malgu eta kolaboratiboak eta, zehazki, bin-picking teknologiak eskaintzen dituzten aukerak aztertzea erabaki du.

Konponbidea behar duen enpresaren arloa:

Automobilgintzako piezen manipulazioa

Konponbidearen onurak:

• Piezen posizionamendua automatizatzea
• Produktibitatea, kalitatea eta ergonomia hobetzea
• Proiektu hau enpresako beste sektore batzuetara hedatzea

Sartutako teknologia berriak:

• Pieza metalikoak manipulatzeko zelula robotikoa
• Bin-picking teknologia
• 3D ikusmen-kamerak