Indart3D kooperatiba, 2020tik Irunen kokatuta, azken belaunaldiko 3D inprimagailuak diseinatzen, fabrikatzen eta saltzen ditu. Berriki aplikatu den teknologia bat ezagutarazteko prozesuan aitzindari gisa, Indart3D unibertsitate, ikerketa-zentro eta hainbat sektoretako enpresekin lan egiten du, hala nola medikuntza, ehungintza edo automobilgintza. Gipuzkoako enpresa honen abantaila nagusia moduluak eta teknologiak konbinatzeko gaitasuna da, proiektu bakoitzaren betebehar espezifikoetara egokitzeko, emaitza optimoekin eta kostu eskuragarriekin.

Beharra:

Indart3Dk urteak daramatza pellet bidezko estrusio-sistema batekin lanean, baina nagusiki material polimerikoen erabileran oinarrituta. Hala ere, homologazio-baldintza zorrotzak dituzten sektoreen eskakizunetara egokitzeko, hala nola medikuntzara edo automobilgintzara, beharrezkoa da pellet formatuan erabil daitezkeen material berrien azterketetan eta ikerketan aurrera egitea. Indart3Dk bere bezeroei eskain diezazkiekeen soluzioen kopurua handitzea da helburua, material metalikoekin edo zeramikoekin modu errazean lan egin ahal izan dezaten, besteak beste.

Konponbidea behar duen enpresaren arloa:

Fabrikazio gehigarria material berriekin

Konponbidearen onurak:

• 3D inprimaketaren soluzioen aukera handitzea
• Kobrez fabrikatutako piezen azterketa
• Pelletekin eta material metalikoekin edo zeramikoekin lan egin daitekeela berrestea

Sartutako teknologia berriak:

• ADAM teknologia 3D inprimaketarako
• Mini PRO inprimagailua buru trukagarriarekin
• Metal X inprimagailua, metalezko fabrikazio gehigarriarako