Sareak digitalizatzea eta teknologia berriak txertatzea ezinbestekoa da egungo trantsizio energetikoaren esparruan: energia berriztagarriak eskala handian integratzea hornikuntzaren eraginkortasuna eta segurtasuna arriskuan jarri gabe, sarbidea ematea eskaera kudeatzeko gaitasuna duten eragile berriei (“prosumers”, agregatzaileak, energia komunitateak, etab.), biltegiratze- eta birkarga-sistemak, etab.

Digitalizazioa funtsezko joera da argindarraren sektorean lan egiten duten enpresentzat –eta bereziki ETEentzat –, behartu egiten dituelako euren eskaintza eboluzionatzera gero eta adimentsuagoak diren konponbide teknologikoetarantz eta balio erantsi handiko zerbitzuetarantz, bide horretatik, aurrera egiteko sare-eredu banatu, digitalizatu eta deskarbonizatuago baterantz. Aurreikuspenen arabera, datorren hamarkadan hainbat inbertsio egingo dira sareak digitalizatzeko, eta hori lagungarri izango da sektoreko enpresen lehiakortasuna hobetzeko eta enplegua sortzeko.