Material aurreratuak

Funtzionaltasun berriak eta horiekin lotutako prozesuak eskalatzea

Materialen berrikuntzak aurrerapen handiak ekarri dizkio euskal industriari, bai produktu berriak merkaturatzeko eta baita ere produkzio-prozesuak hobetzeko. Datozen urteetan, material aurreratuen berrikuntza ardatz zentral bihurtuko da, halako moldez non materialek funtzionaltasun berriak txertatu eta euren propietateak hobetuko dituzten, balio erantsi handiagoa emanez euskal ETEen produktu eta prozesuei, baina hargatik uko egin gabe jasangarritasunari.

ZTBP 2030 planak hainbat espezializazio-arlorekin transbertsalki lotutako oinarrizko teknologiak identifikatu ditu. Teknologia horien artean, Material eta Prozesu Aurreratuak funtsezkotzat jotzen dira arlo guztietarako. Lehentasun hori bat dator aurreko ZTBP 2020 planean finkatutako estrategiarekin, zeinaren bidez abiarazi baitzen “Material eta Prozesu Aurreratuak” izeneko lantaldea, eta lantalde horren gidalerroak oinarritzat hartu ziren Basque Digital Innovation Hub sareko Material Aurreratuen gunea diseinatzeko.

Material Aurreratuen arloko gaitasunak dituzten ZTBESeko agente zientifiko-teknologiko garrantzitsuenek euren gaitasunak batzen dituzte Gune horren inguruan, ETEen premiei erantzungo dien zerbitzu onena eskaini ahal izateko

Gunea xeheki

Ezagutu xeheki Guneari buruzko informazio guztia gure adituaren eskutik.

Aplikazio esparruak

16 antolakunde eta 69tik gora aktibo arlo hauetan laguntzeko:

Materialen diseinua
eta garapena Fabrikazio-prozesuak Estaldura eta
gainazaleretarako Lotune aurreratuak Materialak eta
prozesuak
ekonomia zirkularrean

Materialen diseinua
eta garapena

Materialen diseinua eta garapena

Laguntza eta aholkularitza industriaren erronkei erantzungo dieten materialak aukeratu, diseinatu eta garatzeko, bai erabilpen-baldintza zorrotzenak bete beharragatik eta bai produkzio-prozesu edo funtzionaltasun berriak txertatu beharragatik.

Metalezko aleazio, konposatu zeramiko eta formulazio polimerikoen garapena
Material konposatu berrien garapena (konposizioa eta arkitektura)
Fabrikazio gehigarrirako material optimizatuen garapena
Nanomaterialen diseinua eta garapena
Muturreko baldintzetan erabiltzeko materialen garapena
Osagaiak arintzeko materialen garapena
Material aktiboen garapena eta material horien eraldaketa osagai adimendun bihurtzeko
Funtzio anitzeko materialen garapena
Ekodiseinua eta lehengai kritikoen ordezkapena

Fabrikazio-prozesuak

Aholkularitza eta demostrazio zerbitzuak material eta osagaien fabrikazio-prozesu jasangarri berriak ezartzeko eta, bide horretatik, funtzionaltasun berriak garatu eta kostuak murrizteko. Laguntza, prozesuen parametroak definitu eta estandarizatzeko.

Metalezko eta zeramikazko (beirak barne) materialak prozesatzeko ibilbideak definitzea etapa guztietan.
Ontze azkarreko teknologiak material polimeriko eta konposatuentzat
Pieza fabrikatuen post-prozesatua
Materialen funtzionalizazioa (bulk estrategiak, sentsoreen integrazioa barne)
Fabrikazio-prozesuen ondorioak segurtasunean eta ingurumenean.

Estaldura eta
gainazaleretarako

Estaldura eta gainazaleretarako konponbideak

Gainazalak eta estaldurak aldatzeko teknologien aholkularitza eta demostrazioa, osagaietan lortu nahi diren propietate funtzional nahiz estetikoak lortzeko.

Estalduretarako metatze-teknika aurreratuak, estaldurarako materialen garapena barne, eta post-prozesatua
Gainazalaren funtzionalizazioa eta testurizazioa
Iraunkortasun hobetuko gainazalen garapena
Super-urratzaileen garapena
Estaldura “adimendunen” garapena (self-healing, sentsore integratuekin, eta abar.)
Estaldura funtzionalen garapena esparru tribologikoan, optikoan, elektronikoan eta energetikoan
Estaldura biomimetikoen garapena: zikinkeriaren aurkakoa, islapenen aurkakoa, lurrunaren aurkakoa, kondentsazioaren aurkakoa, izotzaren aurkakoa, bioaktiboa, mikrobioen aurkakoa

Lotune aurreratuak

Lotuneei buruzko aholkularitza-, laguntza- eta demostrazio-zerbitzuak, erronka hauei erantzuteko: material aurreratuak txertatzea, lotune disimilarrak, produkzioa hobetzea, kalitatea handitzea eta bizitza-amaiera segurtatzea.

Lotune-teknika aurreratuak
Material disimilar eta hibridoekin eginiko lotune-tekniken garapena.Bateragarritasunak, barne direla bai gainazaletako akaberak eta bai tentsio arintzeak.
Lotune itsaskorrak
Lotune mekanikoak metalezko materialekin eta konposatuekin
Post-prozesatua
Lotuneen konformabilitatea
Karakterizazio aurreratua

Materialak eta
prozesuak
ekonomia zirkularrean

Materialak eta prozesuak ekonomia zirkularrean

Ehun industrialari zuzendutako laguntza ekodiseinuko zereginetan eta osagaien bizi-zikloaren analisian, garapen jasangarriak berekin dakartzan erronkei erantzuteko. Materialen bizitza erabilgarria luzatzeko eta euren birziklagarritasuna zehazteko zerbitzuak.

Materialen eta produkzio-prozesuen diseinua piezen bizitza erabilgarria luzatzeko
Materialen eta piezen portaera funtzionalaren analisia beren bizitza erabilgarrian
Muturreko giroetako narriadura-fenomenoen analisia: higadura, korrosioa, neke termomekanikoa, talka termikoa, eta abar.
Mantenimendu prediktiboko tresnen garapena
Energetikoki eta baliabide naturalen kontsumoari dagokionez eraginkorragoak diren prozesuen garapena
Bizi-zikloaren analisia
Aztarna ekologikoaren analisia

Ikusi Material Aurreratuen
guneko aktiboak

Aktiboen katalogoan bilatu

Jarri harremanetan zure kontaktuarekin

Bera da gure Material aurreratuen guneko aditua, eta bera arduratuko da zure premiak xeheki ezagutzeaz.

Ibón Ocaña
CEIT
iocana@ceit.es
943 21 28 00

Casos de uso

Hariztatzeko erreminten estalduren hobekuntza

Heroslam

Erabilera-kasua

Heroslam Euskadiko lehen Lan Sozietate Anonimoa da, 1973an sortua. Eskakizun handiko sektoreetarako (aeronautika, eraikuntza, automobilgintza…) hariztatzeko tresnen fabrikazioan oinarritutako enpresa da. Gaur egun 53 langilek osatzen dute eta enpresa esportatzailea da, izan ere, bere ekoizpenaren % 80 esportatzen du. Heroslamen lehiarako abantaila nagusietako bat estaldurak barnean fabrikatzen dituela da, baita etengabeko ikerketa-lanak egiten dituela piezen kalitatea eta, ondorioz, iraunkortasuna hobetzeko.

Beharra:

Heroslamek tratamendu termikoko instalazioak ditu, eta bertan estaldura bereziak garatzen ditu, hariztatzeko erreminten errendimendua eta iraunkortasuna nabarmen hobetzen dituztenak. BDIH Konexioren eta Tekniker zentro teknologikoaren laguntzaren bidez, enpresa honek bere estaldura garantzitsunetako bati (GOGOR izenekoa) buruzko proba tribologikoak eta analisi metalografikoak egin ahal izan ditu. Saiakuntza-banku espezializatu bat erabiltzeak estaldura hauoptimizatzeko beharrari aurre egiteko aukera eman dio Heroslami, eta, horrela, merkatu-kuota handitu du, batez ere sektore aeronautikoan.