Posts by satwp

Zelulak aukera ematen du piezak manipulatzeko edo tresna piezaren gainean manipulatzeko eragiketak automatizatzeko eragiketak planteatzeko. Mota honetako eragiketak egiteko konfigura daiteke sistema robotikoa: objektuen pick and place eta tresna objektuaren gainean posizionatzea, bai modu konbentzionalean, bai modu kolaboratiboan. 6/7 askatasun-graduko robot batek osatzen du sistema robotikoa, eta hiru ikusmen-sistema ditu: 1) 3D ikusmeneko kanpo-sistemak, 2)…

Manipulazio-zelula robotizatu eta serbokontrolatuak dira, kable-robotikan eta ikusmen-sistemetan eta objektuak ezagutzeko sistemetan oinarrituak, abiadura handiko pick&place lanetarako.

Sistema robotizatu eta serbokontrolatuak, egitura finkoetan muntatutako kable-robotikan oinarrituak, balio ekonomiko handiko piezak kontrolpean, doi eta seguru manipulatzeko eta mihiztatzeko. Jauzi kualitatiboa da lan-eremu zabaletako karga-manipulazioari dagokionez, eragiketak eta manipulazioak automatizatzeko aukera eskaintzen baitu; hala, hobetu egiten da prozesuaren kalitatea, areagotu egiten da muntatze-eragiketen segurtasuna eta gutxitu egiten da manipulazio- eta muntatze-prozesuaren kostua.

Sistema robotizatu eta serbokontrolatuak, zubi-garabietan muntatutako kable-robotikan oinarrituak, balio ekonomiko handiko piezak kontrolpean, doi eta seguru manipulatzeko eta mihiztatzeko. Jauzi kualitatiboa da karga-manipulazioari dagokionez: garabiak sistema robotiko bihurtuta, areagotu egiten da instalazioaren malgutasuna, hobetu prozesuaren kalitatea, handitu muntatze-eragiketen segurtasuna, eta gutxitu manipulazio- eta muntatze-prozesuaren kostua.

Nabigazio autonomoko softwarea AGVrako. Nabigazio malguko sistemak AGVrako (Automatic Guided Vehicle edo gidatze automatikoko ibilgailua). SLAMa eta laser bidezko gidaritza oinarri dituzten soluzioak; azpiegiturak (hari bidezko gidaketa, banda magnetikoa, islagailuak) oinarri dituzten sistema tradizionalak baino malguagoak dira. Lan-eremuan aldaketa handirik egin gabe hedatzeko aukera ematen dute, bai eta ibilbideak erraz eta dinamikoki konfiguratzeko eta birkonfiguratzeko…

Robotika eta sistema autonomoen laborategiak robotika, datu-analisia, estatistika, ikasketa automatikoa eta konputagailu bidezko ikusmena bezalako eremuetan esperimentatzeko modua eskaintzen du. Horretarako, sentsore ezberdinak (kamerak, laserrak, kinect sentsoreak, termikoak, ultrasoinuak…) kudeatu eta maneiatzeko ahalmena eta horiek helburu ezberdinetarako (pertsonen detekzioa, objektuen errekonozimendua, nabigazio segurua…) erabiltzeko aukera izanik. Horrez gain, makina eta pertsonen arteko elkarrekintza metodoak garatzeko…

Gas naturalaren, airearen eta oxigenoaren nahasketak erabiltzen dituen proiekzio termikoko sistema. Sistemak abiadura eta gas-tenperatura tarte zabal batean lan egin dezake. Abiadura supersonikoak eta tenperatura baxuak konbinatuz, Al/Cu-zko estaldura dentsoak lor daitezke, > 2 mm-ko lodierak eta oxido-eduki txikikoak (< % 0,10). Bero-ekarpena txikia izanik, pareta-sekzio finak eta/edo aleazio beroarekiko sentikorrak estal daitezke. Osagai metalikoak…

Zentroak badu nahikoa ahalmen binder edo erretxina termoplastiko berriak garatzeko edo birformulatzeko, honetarako: a) FDM (harizpia edo zuzeneko estrusioa) eta laser sintering bidezko teknologia aditiboen bidez prozesatzeko, edo b) eskakizun berriak betetzeko (mekanikoak, suarekiko erresistentzia, elektrikoak eta abar), zuntz jarraitua erabiliz konpositeen aurreforma lortzeko prozesu aditibo berrietarako, gainazalen propietateak eta propietate mekanikoak hobetzeko postprozesuetarako, moldeak…

Hauts-ohe prozesua. Hautsa edukiontzi batean jartzen da, eta buruak aglutinatzaile bat ematen du, hautatutako puntuetan hautsa aglomeratzeko. Ondoren, beste hauts-geruza bat prestatzen da, eta, hala, behin eta berriz egiten da prozesua, pieza amaitu arte. Inprimaketan ez dago bero-iturririk. Aglutinatzailea inprimaketa “berdea” egiteko erabiltzen da. Zati berdea sinterizatu edo infiltratu egiten da, edo dagoen bezala erabiltzen.…

Hardwarearen eta softwarearen batura da sistema. Hardwareari dagokionez, 3D ikusmeneko zenbait sistema industrialek osatzen dute. Aplikazioaren eskakizunetara egokitzeko lagungarri diren zenbait ezaugarri dauzkate sistemek: atzitze-abiadura, doitasuna, estali beharreko eremuaren tamaina, eramangarritasuna eta abar. Akatsak detektatzeko, pieza ezagunen errore geometrikoen detekzioa egin dezake softwareak. Ingurunetik puntu-hodei bat atzitzeko ahalmena duen 3D ikusmeneko sistema bat erabiltzen da…