Prozesu anitzeko 5 ardatzeko fresaketa-zelula, lanak oso abiadura handian egiteko gaitasuna duena

AZALPENA

Bi instalazio ditu. 5 ardatzeko ataza-anitzeko fresaketa makina bat, Ibarmia THR 16 multiprocess, bost ardatzetan fresatzeko eta torneatzeko aukera ematen duena. Makina honek buru angeluar konplexu bat dauka eta robot baten bitartez birkonfiguratu daitekeen biltegi batetik kargatu daitekezke makina-buru eta erreminta ezberdinak. Monitorizazio-sistema aurreratuak ditu, hala nola plateraren orekatze estatikoa eta dinamikoa, baita datuak hartzea, transferitzea eta aztertzea ere, CFAAko IoT sistemaren bidez. Bere konfigurazioa dela eta, makinaren deformazioak aztertzeko aukera ematen du, makinaren gune kritikoetan jarritako elementu finkoak erabiliz.

Gainera, zelulak Hermle C52U MT dinamika oso altuko mekanizazio-zentroa ere badauka. Neurri handiko piezetan 5 ardatzetako (3 ardatz lineal eta 2 birakari) fresaketa lan konplexuak egin ditzake. Torneaketa ere egin dezake 1000 mm-ko diametroa eta 500 RPM bira-abiadura duen mahaiari esker eta ebaketa-abiadura handietarako erreminta aurreratuak erabili daitezke. Makina-buru osagarri bati artezketa prozesua aplikatu daiteke, CBNzko harriak erabiliz 80.000 bira minutuko arteko abiaduraraino iritsi daiteke. Ataza anitzeko zentro honek, bere eragingailuak monitorizatzeko aukera ematen du, bai barne-sistema baten bidez, adibidez, potentzia edo hainbat fluxu, bai eta esfortzu mekanikoak eskala absolutuan monitorizatzeko erreminta etxean jarritako kanpoko sistema baten bidez ere.