Komunikazio sareen kontrola eta segurtasuna hobetzeko softwarea
AZALPENA
Aktibo honek biltzen ditu: a) sare elektrikoaren automatizaziora zuzenduta dauden IEC61850 familiako komunikazio zerbitzuak, b) gailu digitalen arteko komunikazioetan segurtasun maila aurreratua eskaintzeko tresnak (ziurtagiri digitalen kudeaketa), c) sare elektrikoaren zibersegurtasunaren egoera monitorizatzeko urruneko kontrolerako programak, eta d) energiaren sektorean negozio-aukerak identifikatzeko eta kontzeptu-probak garatzeko plataforma bat blockchain teknologian oinarrituta.
EKIPO ETA OSAGAI GARRANTZITSUENAK
Blockchain teknologian oinarritutako plataforma digitalaPlataforma digital hau osatzen duten elementu guztiak hainbat teknologia desberdinekin garatuta dauden arren, multzo teknologiko osoa barneratzen dute: sektore energetikoan sortutako datuen jasotzea, datu horien babestea, kontratu digitalak bermatzea, emaitzen bistaratzea, egiaztatzea eta trazabilitatea. Plataforma digitala, blockchain teknologiaren beharrezko baliabideak asetzeko gai den errendimendu handiko zerbitzarien azpiegitura batean zabalduta dago.
Protokolo desberdinetan oinarritutako komunikazio zerbitzuak (RESTful, SOAP…) IEC 61850-k eskaintzen dituen zerbitzuetan mapeatuta. Hardware plataforma desberdinetan konpilatu daiteken iturburu-kodeaz osatuta dago software liburutegietan antolatuta, hainbat aplikazioetan berrerabiltzeko prest. Programak IEC 61850 familian zehaztutako arauetan definitutako zerbitzuak hedatzeko aukera eskaintzen du. Azpiestazioen automatizaziorako definitua, monitorizazio, kontrol eta automatizazio egoeretan aplikatzeko. Sektore elektrikoaz gain, azpiestazioetan, sektore eolikoan, fotovoltaikoan… ere aplikagarria.
IKERLANeko egoitza nagusian kokatutako erakuslearen bidez, aipatutako PKI azpiegitura kudeatzeko eta erabiltzeko gai da Web interfaze baten bidez.
Ziurtagiri digitalen kudeaketarako azpiegitura. Sektore energetikoan bideratutako autentifikazio sistemak, sinadura elektronikoa eta datuen zifratzea inplementatzeko sistemak. Azpiegitura hau ingurune kontrolatu batean hedatuta dago, segurtasun fisiko (sarrera fisiko kontrolatua eta mugatua) zein logiko (funtzioen birtualizazioa, beharretan oinarritutako segmentazioa) neurriekin babestuta, sistemaren fidagarritasuna bermatzeko.
Aktibo honek sare elektrikoan kokatutako gailu digitalen zibersegurtasunaren egoera urrunetik monitorizatzeko gaitasuna ematen du. Sistema honen helburu nagusia ahulezien detekzio goiztiarra lortzea da konfigurazio okerren edo inplementazio akatsen ondorioz, baita sarearen aurkako eraso posibleen ondorioz sortutakoak. Aktibo digitalen ahulezien analisia malgua da, sistema guztiz egokitu daiteke gailu bakoitzaren ezaugarrien arabera, aplikazio ingurunearen arabera, baita araudiaren arabera.
AKTIBOAK ESKAINTZEN DITUEN ZERBITZUAK
Ahulezien analisia
Blockchain erakuslea
Blockchain Esperimentazioa
Blockchain transferentzia teknologikoa
Esperimentazioa
Formazioa, Training, esperimentazioa.
IIoT interoperabilitate teknikoa
IIoT konektibitatea
Interoperabilitate teknikoaren eta konektibitatearen erakuslea
PKI erakusleak
PKIren egoeraren bistaratzea
Sare elektrikoaren gailuen monitorizazioa
Sareko zibersegurtasunaren egoeraren bistaratzea
Transferentzia teknologikoa
AKTIBOA KUDEATZEN DUEN ERAKUNDEA
IKERLAN S.C.
Harremanetarako pertsona: Aitor Urbieta Artetxe
Erlazionatutako beste aktibo batzuk
Hitz egiguzu zure beharraz
Utziguzu zu hobeto ezagutzen. Zure enpresaren produkzio-sistemaren eraginkortasuna hobetuko duten teknologia adimendunak eta material aurreratuak inplementatu nahi badituzu balio erantsi handiagoko soluzioak eskaintzeko, bete formulario hau.